Grève des enseignants : une mobilisation importante en Corse chez un corps professoral à bout face au COVID-19 et ses conséquences
Ghjovi, accolti in un’intersindicali, si sò missi in greva i insignanti. Erani sustinuti da l’associ di parenti d’elevi, chì ani chjamatu i parenti à ùn purtà i ziteddi in iscola.
A mubilisazioni ci hè stata, è quissa a cuncedi ancu u ritturatu, chì dici ch’idd’erani 51,87 % à fà greva in primariu, è 37,87 % in u sicundariu.
Davanti à u ritturatu in Aiacciu, o à a spizzioni accademica in Bastia, parichji cintinai di prufissori ani dittu u so pinseri è a so collara, di pettu à a gistioni di l’epidemia fatta da u guvernu in i stabilimenta sculari.
Prutucolli cambiarini, misuri di prutizzioni ch’ùn bastani, prufissori ancu à rimpiazzà... sò uni beddi pochi, i rimprovari di i insignanti è di i parenti à jean michel blanquer, u ministru francesu di l’aducazioni.
Sinsori di CO2, mascari FFP2 pà i parsunala, gistioni rivista è curretta di i rimpiazzamenti… eccu i rivindicazioni sindicali par circà à escia da issa crisa.
Steti à senta à Fabien Mineo, à nomu di u SNUIPP-FSU.
Sur le même sujet
