Grève au centre de tri Bastia Cap : la réponse de la Poste
Mentri ch’idda cuntinuvighja à greva à u centru di scumpartimentu di Bastia, a dirizzioni lla posta dà calchì spiicazioni. Spieca ch’idd’hè « naturali è rispunsevuli di pruceda à una rivalutazioni lli turnati lli fattori. È puri, a posta hà custruitu sempri u so mudellu suciali in ghjiru à l’impiecu à longu andà, è ùn hè rimissu in causa issu principiu ». Dici a dirizzioni chì « par avali nudda ùn hè dicisu », è chì « a nova urganisazioni sarà missa in anda discurrindu cù i fattori è l’urganisazioni sindicali, in un cuntestu di sviluppu di sirvizii novi »
Par ciò chì tocca à l’ardignu Géoroute, ch’iddi rimettini in causa i grivisti, pricisa a posta ch’idd’hè « un ardignu cartugrafficu di simulazioni, ch’idd’aprodani l’uparatori pustali da aiutà à valutà a turnata lli fattori. Hè un aiutu, ma ch’ùn rimpiazza u cristianu : i fattori ci poni purtà rivalutazioni è pricisioni ».
Par finiscia, accerta a posta chì « l’urganisazioni chì sarà missa in piazza à u centru di scumpartimentu Bastia Cap hè sempri, par avali, un sughjettu di riflissioni è cuncirtazioni cù u parsunali. Tocca chivi à fà un diagnosticu, stà à senta u parsunali, fà raccolta di i dumandi, piddà in contu i bisogni lli clienti, prupona scinarii d’urganisazioni. Par avali, a dimarchja n’hè sempri à u so principiu ».
