Grève à la SNCM : une manifestation dégénère à Porto-Vecchio
(A redazzioni d'Alta Frequenza) - Una manifistazioni urganizata arimani (ghjovi) in principiu di sirata da socioprufiziunali annant'à u portu di Purtivechju, pà riagiscia à u cunflittu di a SNCM, hà pigliatu un gattivu versu. In fatti, incidenti sò accaduti; certi manifistanti ani pruvatu à brusgià l'amarri di u Jean Nicoli, in u portu dipoi parechji ghjorni. I marinari in greva ani rispostu da u battellu lampendu acqua cù una lancia pà luttà contr'à i fochi, calchì manifistanti rispundendu à què da pitrati. A gendarmeria hè intarvinuta pà pruvà à calmà à tuttu u mondu. Manifistanti sò stati feriti, mentri chì altri sò stati appena tocchi da bombi lacrimogeni. Versu setti ori è mezu di sera, u Jean Nicoli hè statu ubligatu à parta.
Sur le même sujet
