Le Direct

Giuncaggio : un pas supplémentaire vers le centre de stockage des déchets

Dopu à dui appelli righjittati, in Bastia è in Marseglia, a prifittura llu Cismonti hà datu uni pochi di reguli ambiintali, pà u situ di suttarramentu di rumenzuli, ch’idda conta apra in Ghjuncaghju a sucità Oriente Environnement.
A principali d’issi reguli hè l’ublicu di custruì pezzi à pezzi, prividindu parichji riunioni è ispizzioni. Cusì, sarà più longa à vena a missa in anda, è ci vurrà ad avè splutatu una parti llu situ innanzi d’apra ni un’altra.
Si ramenta chì u prughjettu hè privistu par accodda si 80 000 tonni di rumenzuli à l’annu, senza francà mai i 250 à ghjornu.
Ma dici u prifettu llu Cismonti ch’idd’ùn si tratta chivi d’una firma in biancu da attaccà i travadda : innanzi tuttu, quiddi chì portani u prughjettu devini dumandà una dirugazioni pà l’animali prutetti. A cosa ùn hè ancu stata fatta è, à senta ni u prifettu, ci volini da trè à dodici mesa innanzi ch’idda sichi asaminata a dumanda, è par casu attribuita a dirugazioni.

Stemu à senta à François Ravier, u prifettu llu Cismonti.