Gilles Simeoni ne se rendra pas au grand débat orchestré par Emmanuel Macron à Cuzzà
(A ridazzioni d'Alta Frequenza) - Ghjovi, ùn ci ni sarà scontru in Cuzzà, trà Gilles Simeoni è macron. U Prisidenti di l’Esecutivu hà dittu in un cumunicatu ch’idd’ùn andaria à issu dibattitu urganizatu da u prisidenti lla ripublica francesa Dici Gilles Simeoni ch’iddu ci saria vulsutu ch’issu scontru sichi un passu. Inveci, fattu com’idd’hè, sarà dinò un viaghju in darru, è un appuntamentu fiascatu. In a so forma, dighjà : certi eletti, com’è i prisidenti di i gruppi di l’Assemblea di Corsica, ùn sò stati invitati. D’altri, com’è i diputati, sò invitati ma senza drittu à a parolla. I merra infini, chì issu dibattitu hè « u soiu », ùn sò mancu sicuri ch’iddi poschini ripiddà a parolla l’intarvinenti, dopu ch’idd’achi parlatu u prisidenti francesu. In u fundu, hè stata ditta ch’idd’ùn s’era ublicata à trattà i prublimatichi spicifichi lla Corsica, è d’altrondi, à issu mumentu è pà issu sughjettu, risposti cuncreti ùn ci ni sarà. À a manera ch’idd’hè fattu issu scontru, ci hè u risicu di veda affaccà, subbitu ma ancu più tardi, più cuntrariità chè suddisfazzioni, ancu pà i merra chì ci andariani » Eppuri, dici u Prisidenti di l’Esecutivu ch’iddu ci voli à fà di tal’manera chì issa visita llu capu llu statu sichi quidda d’una nova andatura, pà i rilazioni trà a Corsica è u statu. Par quissa, tinimu à dì chì a maiurità tarrituriali ferma aparta sempri à u dialugu ». Infini, Gilles Simeoni ni chjama à un’armunia lli pusizioni trà « a Cullittività di Corsica, l’eletti intercumunali è i merri chì si ritrovani in issa dinamica, è à difinì insemi i mezi da ch’idda sichi presa in contu ». Da oghji, sò stati avviati cuntatti à issa fini chivi.
Sur le même sujet
