Ghjuventù Indipendentista : interpellations et soutiens !
(A redazzioni d'Alta Frequenza) - À a vigilia di l'apartura di un prucessu di una decina di militanti di a Ghjuventù Indipendentista, quattru ghjovani di u muvimentu sò stati arristati ssu marti. Pà Corsica Libera è Sulidarità, hè sicura chì "a Ghjuventù Indipendentista diragna u Statu francesi è i so reti lucali in Corsica parchì ssa ghjuventù mubilizata porta rivindicazioni ghjusti" dicini i muvimenti. Ss'ultimi sustenini i ghjovani arristati ssu marti è chjamani à vena à sustena i militanti chì sarani ghjudicati oghji à partasi di 2 ori u dopu merzionu davanti u tribunali di Bastia. Corsica Libera è Sulidarità sustenini dinò "à Nicolas Battini imprighjunatu in ssu mumentu in Parighji pà altri affari è chì duvia essa ghjudicatu oghji in Bastia ma u so casu hè statu spiccatu par ùn trasferiscia lu micca in Corsica; sarà ghjudicatu finalmenti in Versailles ! Hè oramai in greva di a fami fin'è u so passaghju davanti a ghjustizia pà cuntistà ssu fattu".
Sur le même sujet
