Ghjurnati di Corti : Pierre Chaubon esquisse les contours du nouveau statut de la Corse
(A redazzioni d'Alta Frequenza) - Ci era assai mondu arimani (dumenica) in Corti, è parechji ghjurnalisti, pà assista à ciò chì firmarà senza dubbitu com'è l'avenimentu puliticu di l'istati di u 2012. In fatti, tutti i currenti pulitichi, diritta, manca, naziunalisti, s'erani ritrovi sottu à i tindoni di i Ghjurnati di Corti, pà rifletta insemi à l'avvena di a Corsica. Di un simplici puntu di vista tennicu, ùn si hè amparatu nulla di novu. Tuttu ciò chì hè statu trattatu arimani custituiscia, in fatti, a basa di tutti i dibattiti di l'Assemblea di Corsica, ma pocu imprema. Pari un'evidenza chì oghji, a Corsica pighjessi a strada di un statutu novu. Issu statutu inghjinnarà, forsa, un'autunumia assai più larga cà quilla d'oghji ; pighjarà in contu un latu impurtanti nant'à a co ufficialità di a lingua, nant'à un statutu di residenti è nant'à a riurganisazioni di u tarritoriu. Ciò chì statu novu daveru, sò i punti di cunverghjenza assai numarosi chì sò spuntati trà tutti i currenti pulitichi, iè currenti pulitichi è micca partiti pulitichi. Pierre Chaubon chì presideghja a cumissioni chì porta u so nomi à l'Assemblea di Corsica, hè statu l'altru omu in vista di u ghjornu. Senza dà di modu pricisu ciò chì sarà u novu prughjettu pà a Corsica, l'Assemblea di Corsica ci avarà u dirittu in prima locu, hà quantunqua ammintatu appinuccia i grandi linii di u novu statutu di a Corsica.
Écoutez Pierre Chaubon.
