Gazoduc Cyrénée : la CGT Energie Corse veille au grain
(A redazzioni d'Alta Frequenza) - I vechji stani attenti ! Eccu com'ellu si pudaria riassuma u sintimu di a CGT Energia Corsica in u quadru di u prughjettu Cyrénée. Ramintemi chì a Prugrammazioni Pluriannuali di l'Energia faci sapè chì a cintrali termica di Lucciana è a futura cintrali à ciculu cumbinatu gaz d'Aiacciu sarani alimentati in gaz naturali grazia à una barga à u largu di Lucciana è di una canalisazioni liendu quissa quì à Aiacciu. Priciseghja dinò chì u guvernu susteni aspittendu tuttu què un funziunamentu di a futura cintrali d'Aiacciu à u fuel lighjeru, com'è quilla di Lucciana in serviziu dipoi pocu. S'è a rialisazioni di ss'infrastrutturi dumanda chì i studii sighini lanciati in furia, a CGT s'inchieta chì u gruppu di travaghju in carica di suvità ssu cartulari ùn sighi ancu ad adunisciasi. Una chjama hè stata lanciata à u Statu ma dinò à l'eletti corsi da fà chì a situazioni s'arrigulessi u più prestu pussibuli.
Steti à senta à Antoine Mandrichi, u Secretariu Generali di a CGT Energia Corsica.
Sur le même sujet
