Future partielle à Bastia-III : Marie-Claire Poggi veut rassembler la gauche
(A redazzioni d'Alta Frequenza) - Dopu una lagnanza di Joseph Martelli è Anne Marie Piacentini, candidati sfurtunati di u Partitu Radicali di Manca duranti i dipartimintali di u 2015 in u cantonu di Bastia III, l'alizzioni di u duettu José Gandolfi - Marie-Claire Poggi hè stata annulata di manera difinitiva da u cunsighju di Statu à u principiu di u mesi, par via di signaturi chì erani sfarenti nant'à i quaderni di zifra trà i dui ghjiri, senza chì nisun candidatu sighi incausatu malgradu tuttu. Da tandu, u tempu hè passatu, è u duettu chì avia vintu sarà spiccatu duranti a parziali chì duvaria essa urganizata d'uttrovi, postu chì u MCD, chì Marie Claire Poggi raprisenta, hà lacatu a maghjurità municipali bastiaccia. Ind'è u MCD, Marie Claire Poggi sarà candidata à a so successioni in u cantonu di Bastia III. Brama d'aduniscia tutti i forzi di manca chì a vularani nant'à a so candidatura è truvà in altrò cà ind'è u MCD quillu chì furmarà cun ella u so duettu. Prublema, i municipali di u 2014 ani lacatu una stampa soca difficiuli à caccià, com'ellu a dimostra un testu inde l'ultima edizioni di u ghjurnali d'uppusizioni municipali Des Actes pour Bastia, direttu da u gruppu radicali di Jean Zuccarelli, un testu propiu aciarbu contr'à u MCD. Malgradu tuttu, Marie Claire Poggi hè pronta pà ssa sifda.
A stemi à senta.
Sur le même sujet
