Futur parking Gaudin à Bastia : les précisions de l'Inspectrice d'académie de Haute-Corse
(A redazzioni d'Alta Frequenza) - "L'Ispittrici d'accademia Direttrici accademica di Corsica Suprana custatendu un'inchietudini, cuncirnendu a custruzzioni futura di u parking Gaudin, ind'è i parsunali è i parenti d'elevi di u culleghju Simon Vinciguerra, voli fà cunnoscia a pusizioni di l'Educazioni Naziunali. L'autorità accademichi ùn volini, nè ùn pensani à a sarratura di u stabilimentu è a spartizioni di l'elevi inde altri culleghji. S'ella hè evidenti chì l'ali di u casali accantu à i travaghji futuri ùn pudarà accoglia i sculari è i so insignanti duranti quissi quì, suluzioni sò in traccia d'essa studiati. Portani annant'à : l'elaburazioni di spartitempi di i scoli è di l'insignanti uttimizendu l'usu di l'ali upposta ; a dumanda fatta à a CTC di fà crescia a corti chì ferma è di facci prima travaghji chì parmettini di suppurtà una carica più impurtanti ; un accessu à u risturanti sculari daretu à u casali. A squadra di direzzioni di u culleghju è l'Ispittrici d'accademia bramani di mantena un dialogu custruttivu è sirenu cù i raprisintanti di a cumunità sculari è i volini rassicurà pà ciò chì tocca l'accumpagnamentu di ssu prughjettu in leia cù a Cullittività Tarrituriali di Corsica è a municipalità di Bastia. I membri di a cumunità educativa sarani assuciati di sicuru à i sfarenti riunioni chì sarani urganizati duranti i sittimani chì venini".
Sur le même sujet
