Le Direct

Futur hôpital d'Ajaccio : la CFDT interpelle le directeur de l'Agence Régionale de Santé

(A redazzioni d'Alta Frequenza) - Dopu a presa di pusizioni di u STC calchì ghjornu fà annant'à u futuru uspidali d'Aiacciu è u prughjettu di custruzzioni annant'à u listessu situ di una clinica privata, tocca à a CFDT Corsica d'indignassi. Pà u sindicatu, u direttori di l'Agenza Regiunali di a Saluta "và contr'à l'intaressi di u serviziu publicu di saluta è di a presa in carica di i residenti corsi impunendu un stabilimentu privatu annant'à u tarrenu di l'uspidali". Duranti una cunfarenza di stampa urganizata stamani (marcuri) ind'i lucali amministrativi di l'uspidali di a Miséricorde, a CFDT Corsica hà dittu torna cù forza a so uppusizioni à a custruzzioni di ssa clinica privata annant'à u situ di l'uspidali, finanziata grazia à soldi publichi. L'inchietudini sò numarosi, è à parechji nivelli, ch'ella sighi pà u parsunali cà pà i pazienti, è un missaghju chjaru hè statu mandatu à Jean Jacques Coiplet : "cambieti a vostra copia".

Steti à senta à Dominique Milani.