Futur conservatoire d'Ajaccio : une visite de chantier pour découvrir les défis à venir
Stesu par 3 0000m², u novu cunsirvatoriu Henri Tomasi d’Aiacciu hà da avè un auditorium di 200 piazzi, 26 sali d’insignamentu, 3 sali di baddu è una sala pà l’arti dramatichi.
Marcuri, eletti, artisti è cuncipitori erani in visita à nantu à u cantieri di l’edifiziu, chì duvaria essa prontu di ghjunghju llu 2024.
Purtati da l’idea di mantena l’identità aiaccina, è cù a vulintà di fà leia cù a storia llu quartieri, l’architetti Amelia Tavella è Rudy Riccioti ani imaginatu un ortu suspesu in cori à u bastimentu, da ramintà l’anziana sodula agricula.
U stabilimentu à vena hè statu pinsatu da pezza maestra di l’eco-quartieri di u Finuseddu.
Steti à senta à Amelia Tavella.
Pà Stéphane Sbraggia, u cunsirvatoriu hà da fà a leia trà i quartieri è l’abitanti.
Da risponda à i scumissi culturali, sucitali è ecunomichi à vena, a cità t’avia bisognu d’un arnesu cumpagnu, chì farà via à una dimucratisazioni lla cultura.
Steti à senta u merri d’Aiacciu.
