Fusillade sur le port de commerce de Propriano hier soir
(A redazzioni d’Alta Frequenza) - L’inchiesta cuntinueghja dopu à a prova d’assassiniu d’arisera (marti) in Corsica Suttana. Pari chì un omu solu sia statu attaccatu. Hè Francis Sorba, cunisciutu da i servizii di pulizza sicondu à l’investigatori. Una siconda parsona hè stata tocca da una palla persa. I dui vittimi erini nant’à u portu di cumerciu di Prupià quand’elli sò stati feriti. Unu di i dui omi hè statu toccu à l’anca, l’altru à u pedi. Sò stati tasferiti ver di l'uspidali di Sartè. U prunosticu vitali ùn pari micca ingaghjatu. Sicondu à a prifettura di Corsica, u veiculu ch'elli avariani utlizatu i tiradori hè statu ritrovu, calcinatu, nant'à a cumuna di Vighjanellu. Una vintina di cartucci bioti hè stata d'altrondi rilevata nant'à i lochi di a prova d'assassiniu. L’inchiesta hè stata cunfidata à a pulizza ghjudiziaria.
Sur le même sujet
