Le Direct

François Hollande en Corse : il peut dire et faire beaucoup, selon Gilles Simeoni

(A redazzioni d'Alta Frequenza) - François Hollande sarà dunqua in Corsica ssu ghjovi. U Presidenti di a Republica sarà accumpagnatu da Najat Vallaud Belkacem, a ministra di l’Educazioni naziunali, Jean Michel Baylet, ministru di l’Accunciamentu di u tarritoriu è d’Annick Girardin, ministra di a Funzioni publica. Una ghjunta in Corsica chì principiarà cù un umaghju in Prifittura à Claude Erignac cù una curona di fiori, nanzi à un discorsu davanti à l’eletti è l’attori ecunomichi di a Corsica in a CTC. Dopu meziornu, ci sarà una cirimonia privata pà u Presidenti in mimoria di Michel Rocard, nanzi à un ripastu cù i parsunalità di Capicorsu, a prisintazioni di u ponti mobili stallatu nant’à a strada tarrituriali 80 dopu u gattivu tempu è un discorsu umaghju in Furiani à l’attori di succorsu è di a gistioni di u gattivu tempu. À dui mesi solu da a fini di u so mandatu di cinqui anni, François Hollande ùn duvaria micca stampà a storia cù u so discorsu, validendu à u meghju a criazioni pà u 1a di ghjinnaghju di u 2018 di a cullittività unica, un cartulari purtatu da l'eletti di a Corsica è da u guvernu. Gilles Simeoni, in u so discorsu par intruducia l'ultima sissioni di l'Assemblea di Corsica calchì ghjornu fà, n'aspetta soca di più da a parti di u Presidenti. U presidenti di l'Esecutivu hà incalcatu nant'à u fattu chì François Hollande pò dì è fà assai malgradu i circustanzi.

Eccu i spiecazioni di Gilles Simeoni.