Formation, précarité des emplois et co-officialité de la langue corse au centre des débats du STC Educazione
(A redazzioni d'Alta Frequenza) - U STC Educazione hà urganizatu ssu marcuri una cunfarenza di stampa à u Centru di Prumuzioni Suciali di Corti. L'uccasioni pà u sindicatu d'ammintà parechji temi, è què più di un mesi dopu à a riintrata sculari in Corsica. À u centru di i dibattiti di i sindicalisti, u prublema di a furmazioni iniziali è cuntinua di i prufissori di i scoli, cù un bilanciu pà l'anni nanzi qualificatu da u STC di "catastroficu", cù ghjovani prufissori chì mancani di furmazioni malgradu avè acquistatu cumpetenzi in più. U cartulari di l'impiechi precarii inde l'Educazioni naziunali hè statu trattatu dinò, cù u custatu chì nisun azzioni cuncreta hè stata rializata da u guvernu pà fà piantà l'emurragia di i suppressioni di posti. Infini, pà ciò chì tocca u votu nant'à a cuufficialità di a lingua corsa da l'eletti tarrituriali, u STC hà fattu sapè ch'ellu hà da firmà attenti à u dialogu trà a raprisintazioni pulitica isulana è u guvernu.
Steti à senta à Jean Pierre Luciani, pà u STC Educazione.
Sur le même sujet
