Football (National 2) - Le SC Bastia officialise ses deux premières recrues
(A ridazzioni d'Alta Frequenza) - U Sporting di Bastia attacca subbitu u so ricrutamentu : a ghjunta di dui ghjucadori hè dighjà annunciata : Stephen Quemper, mezu uffinsivu latirali di vinticinqu’anni, hà marcatu cinqui volti è hà fattu setti passi impurtanti cù u Stade Briochin. Veni in Bastia pà dui staghjoni, cù un’uzzioni pà una di più.
Sébastien Salles-Lamonge, mezu uffinsivu cintrali, t’hà vinti trè anni. Hà ghjucatu à u Stade Rennais in Liga 1, cù le Havre in Liga 2, è cù a riserva di u Deportivo di a Curogna. Ghjunghji dunqua in Bastia par un annu, è sè a squadra codda farà un annu di più.
U Sporting si duvaria rinfurzà dinò in difesa cintrali, è pò ancu essa, veda vultà in casa soia à Chaouki Ben Saada : à 34 anni, hà presu a dicisioni d’andà si ni da Troyes è di stallà si in i circonda bastiacci. Forsa pudaria dà si un’ultima sfida cù a squadra turchina.
Sur le même sujet
