Le Direct

Football (National 2) - Le FC Bastia-Borgo prend une option sur la montée en National 1 après sa victoire contre Poissy (4-0)

(A ridazzioni d'Alta Frequenza) - Cinqui ghjurnati in daretu, paria impussibuli di pinsà à a cuddata. Ma u fattu si stà chì, ad oghji, u FC Bastia Borgu hè beddu vicinu di fà una bedda prova, dopu à a so vittoria 4 à 0 sabbatu contru à Poissy, à u cumplessu spurtivu di Borgu. Una vittoria chjara è netta. Gwen Foulon hà marcatu dui volti, Cedric Odzoumo è Mohamed Hamdi una volta par omu. Issa vittoria vali ancu di più chì, Chartres avendu persu contru à Oissel, u FCBB pidda a siconda piazza llu gruppu C di Naziunali 2. Cù dui punta d’avanzu à nantu à Chartres, issa siconda piazza vali cuddata, chì u primu lla classifica, Nanta, ùn pò piddà u scalinu supranu, issendu una riserva prufiziunali. Basta dunqua à u FCBB d’ùn perda micca in Vannes a duminicata ch’entri : in casu ch’iddi sichini à punti pari, u FCBB saria davanti à Chartres, parvia di i cunfronti diretti trà i dui squadri. U FCBB saria tandu, cù l’ACA è u GFCA, una di i trè squadri corsi i più alti in i classifichi naziunali.
Stemu à senta à Jean-André Ottaviani, l’addistradori llu FCBB