Football (mercato) - Gaëtan Courtet, Dorian Bertrand et Cyrille Bayala à l'AC Ajaccio ?
Gaëtan Courtet sous les couleurs du FC Lorient
(A ridazzioni d'Alta Frequenza) L’AC Aiacciu appronta a so staghjoni di Liga 2, cù issu primu scontru à vena u 26 di luddu, contru à Le Havre, in Timizzolu.
Parichji ghjucadori si ni sò andati (Nouri, Boé-Kane, Cabit, Gimbert), è a squadra i duvaria rimpiazzà da quì à pocu.
À leghja à l’Equipe di luni matina, Gaetan Courtet pudaria rimpiazzà à Gimbert in attacca. U ghjucadori t’hà 30 anni, ed era sinu ad annu in Lorient. Hà fattu 249 scontri prufiziunali (74 in Liga 1), è hà marcatu 68 volti.
U ghjurnali dici ancu ch’iddi pudariani ghjunghja Dorian Bertrand (Angers) è Cyrille Bayala (Lens). Sariani aspittati dinò un difindidori cintrali, unu latirali, è un mezu tarrenu ricuparatori.
In quantu à i frateddi Tramoni, sariani pronti è bè à parta. Lisandru si saria intesu cù u PSG, chì pudaria fà una pruposta di 4 miliona € à a squadra aiaccina, à senta à « Le journal du dimanche ».
Dicia d’altrondi ch’hè pocu Alain Orsoni ch’issi ghjucadori sariani vinduti à u so valori veru. S’aspetta avali u seguitu d’iss’affari.
Sur le même sujet
