Football (Ligue 2) - Un AC Aiacciu étincelant s'impose au Mans 4 à 2
Photo : Alta Frequenza
(A ridazzioni d'Alta Frequenza) - Vennari à sera, hè stata scema a partita trà Le Mans è l’AC Aiacciu, à u MM Arena.
A prima parti, ammaistrata da l’aiaccini, vi pudia ancu fà vena u sonnu.
Dopu à u posu, sò cambiati à veru l’affari !
Diarra hà marcatu u primu par Le Mans. Ma quand’idd’hè intrutu Matteo Tramoni, hè stata altra a partita.
Pà Le Mans, hè Diarra, una volta di più, chì hà rimissu a partita à marcu pattu.
Ma l’aiaccini ani rispostu subbitu, è Cuypers, dopu à un beddu travaddu di Tramoni, facia passà a so squadra davanti.
Cuypers, sempri iddu, marcaia un’altra volta dopu à 85 minuti. Cù issa vittoria 4 à 2, a terza fora issa staghjoni, l’ACA hè sestu, à dui punta llu primu. Conta d’altrondi undici punta d’avanzu à nantu à a prima squadra in piriculu.
