Football (Ligue 2) - Première victoire de l'ACA face à Dunkerque (1-0)
Marcuri contru à Dunkerque, l’AC Aiacciu hà vintu pà a prima volta d’issa staghjoni. A vittoria a si hà busca cù un calciu di riparu di Barreto, dopu à 72 minuti di ghjocu. A partita, ci voli à dì la, hè stata bedda luttata contru à a squadra nurdista.
Dopu ch’iddu sichi statu sclusu Kerrouche, parvia di dui carti giaddi, l’ACA hà presu u ghjocu à so contu, cuddindu si a so prima vittoria. In u tempu in suprappiù, Gaëtan Courtet hà ancu mancatu un sicondu calciu di riparu.
Ben’ch’idd’achi vintu, a squadra aiaccina ùn hà chè quattru punti, è hè sempri in i fundala lla classifica. Ma oramai, ùn sò chè trè i punti di scartu cù u dicesimu.
Stemu à senta a riazzioni d’Olivier Pantaloni.
