Le Direct

Football (Ligue 2) - Plusieurs joueurs du SC Bastia dont Moretti et Da Silva ne feront pas partie de l'aventure la saison prochaine

U SC Bastia hà datu calchì pricisioni, par ciò chì tocca à i ghjucadori privisti pà a staghjoni à vena, in siconda divisioni.

I discursati individuali trà Mathieu Chabert è i so ghjucadori sò oramai finiti.

Parichji si n’ani da andà. A surpresa maiori hè a partenza di Sébastien da Silva. À u primu marcadori bastiacciu d’issa staghjoni in Naziunali – hà marcatu 12 volti ! - ùn li n’hè statu prupostu cuntrattu. Ghjuntu in u 2020, avia signatu pà una staghjoni è mezu.

Neo Mesbah, furmatu supr’à locu è prisenti dipoi a ripresa di u 2017 in Naziunali 3, Anthony Salis è Michel Moretti, ghjunti in u 2018, ùn sarani tinuti mancu iddi. À Michel Moretti è à Sébastien Lombard, u sicondu guardianu, l’hè statu prupostu di firmà si à u Sporting, ma fora llu tarrenu

Kherbache, Raspentino, Fonovich è Cristiani si ni vani ancu iddi. Lorenz Assignon, iddu, ùn sarà impristatu dui staghjoni di fila da u Stade Rennais.

À Anthony Rocaglia, inveci, l’hè statu prupostu u so primu cuntrattu prufiziunali. Alexandre Jourda è Anthony Agostini, dui ghjovani lla squadra, ani avutu a pruposta di firmà ci si.