Football (Ligue 2) - Pluie de sanctions sur le GFC Ajaccio à la commission de discipline de la LFP
(A ridazzioni d'Alta Frequenza) -Marcuri, a cumissioni di disciplina lla Liga di u ballò prufiziunali hà fattu falà sanzioni grevi à nantu à u GFC Aiacciu, parvia llu scontru di vennari scursu in Montferrand. A cumissioni hà suspesu par setti scontri à Julian Palmieri, parvia llu so cumpurtamentu. Ùn pudarà dunqua ghjucà cù a so squadra sinu à mezu dicembri. A sintenza hè greva à veru, pà u ghjucadori è a squadra, è sarà effittiva toccu u 9 d’uttrovi. Julian Palmieri pudaria dunqua ghjucà, dumani, contru à Orléans. Jean Baptiste Pierazzi, sclusu in u stessu scontru, hè suspesu par quattru macci, unu issendu attimpatu. L’addistradori aghjuntu lla squadra, Julien François, s’hà buscu una suspesa attimpata di dui scontri pà u bancu, u spuddatoghju di l’arbitri è tutti i funzioni ufficiali. Infini, Thibault Campanini è David Gomis sò suspesi pà unu scontru, parvia di parichji carti giaddi.
Sur le même sujet
