Football (Ligue 2) - Paris FC-AC Aiacciu : choc de la Ligue 2 ce soir au Mans
Photo Paule Santoni AC Aiacciu
Hè un macciu impurtantissimu in a lutta pà a cuddata, ch’iddu hà da ghjucà luni à sera l’AC Aiacciu : in chjudenda lla 23esima ghjurnata llu campiunatu di siconda divisioni, si ni movi à ghjucà contru à u parigi FC, una bedda squadra chì si teni par avali à a terza piazza lla classifica.
Vincindu, l’aiaccini sariani à paru cù Tulusa. Ma par casu ch’iddi perdini, l’omini d’Olivier Pantaloni pudariani falà à a quarta piazza.
Pà issu scontru, mancarà Vincent Marchetti, suspesu parvia di a carta russa busca contru à Auxerre. Barreto è Moussiti Oko sò ferti, è Bayala è Botué ùn ci sò mancu iddi, parvia di a CAN.
U scontru principia à 9 ori menu un quartu, à nantu à Bein Sport.
Sur le même sujet
