Football (Ligue 2) - Le SC Bastia veut couronner de succès un soir de fête contre Bordeaux
Sta sera à novi ori menu un quartu, pà u contu lla 12esima ghjurnata llu campiunatu di a siconda divisioni, u SC Bastia - chì hè 10esimu - ricevi à Bordeaux, chì hè capifila lla classifica.
Cù issu scontru, sarani fistighjati i nuvanta anni di u stadiu Armand Cesari : à parta si da 5 ori è mezu, da daretu à a tribuna sud, sarani accolti i sustinidori, chì pudarani incuraghjì i ghjucadori dui ori innanzi à a partita. À l’entra di i ghjucadori, ci sarà una bandera maiori da accodda li, è sò privisti tant’altri fistività.
Da fà la ancu più bedda issa festa, ci vurria à piddà i trè punti lla vittoria contru à issa squadra di Bordeaux, chì hè inciampata un pocu à Le Havre pà l’ultima ghjurnata.
U gruppu bastiacciu duvaria essa u stessu chè pà i dui ultimi scontri.
L’addistradori bastiacciu, Régis Brouard, hà vulsutu fà passà un missaghju à quiddu di Bordeaux, chì hà parlatu di u cuntestu bastiacciu, ma ancu à l’arbitri.
Steti lu à senta.
Sur le même sujet
