Football (Ligue 2) - Le SC Bastia confirme face à Pau (1-0)
Pà a 19esima ghjurnata llu campiunatu di siconda divisioni, U SC Bastia hà finitu a prima parti llu campiunatu vincindu 1 à 0 contru à Pau.
I bastiacci ani attaccatu bè a partita, po’ sò stati in difficultà, innanzi di rimetta i cosi à paru, deci minuti innanzi à u posu. Puri issendu vulintariu, era dissattu u Sporting à liveddu uffinsivu.
À a ripresa, u Sporting dannaia à Pau, ma senza purtà tantu piriculu. Passata l’ora, Régis Brouard hà dunqua dicisu di cambià i so attaccanti. Hè cusì chì, ghjunti à 77 minuti di ghjocu, Santelli rimittia un centru di Van den Kerkhof in a reti.
À a classifica, u Sporting codda à a 7esima piazza, è finisci issa prima parti llu campiunatu cù 28 punti, deci di quissi issendu stati presi in i quattru ultimi scontri.
Cusì, ci sarà una certa serenità innanzi di ghjucà contru à Lorient sabbatu, pà i 16esimi di finali lla Cuppa di francia.
Steti à senta à Régis Brouard.
Sur le même sujet
