Football (Ligue 2) - L’AC Ajaccio humilié par Troyes sur son terrain (0-4)
Les Ajacciens ont bu la tasse ce soir face à Troyes
Issu sabbatu, pà a 9esima ghjurnata llu campiunatu di siconda divisioni, l’AC Aiacciu ricivia à Troyes, in un stadiu viotu di publicu parvia di u Covid 19.
A squadra aiaccina hè stata subitu supranata. I so avvirsarii munupulizendu u ballonu, hè Saint-Louis chì li daghjia un marcu d’avanzu tocchi i 22 minuti, malgradu dui arresti suppicci d’un Leroy lacatu à l’abandonu da a so difesa.
Ghjustu innanzi à u posu, Barreto s’impittaia à u guardianu di Troyes, manchendu quì l’uccasioni di metta i dui squadri à paru.
In u sicondu tempu, l’AC Aiacciu si facia macinà da i so avvirsarii lu ghjornu : Touzghar, à a 49 esima minuta, Baya dopu à un’ora di ghjocu è Domingues dopu à 83 minuti prufittaiani di i dibulezzi lla difesa aiaccina.
À 4 à 0, ùn ci era più nudda à dì : Troyes avia uttinutu ciò ch’idd’era ghjunta à circà, i trè punti lla vittoria.
In quantu à l’AC Aiacciu, ci hè di chì inchiità si à veru di issu liveddu cusì bassu, vistu in casa soia.
Chì dillusioni dopu à a prova fatta in Clermont !
Steti à senta à Olivier Pantaloni
Sur le même sujet
