Football (Ligue 2) - L'AC Aiacciu et Paris FC dos à dos (1-1)
Photo Paule Santoni (AC Aiacciu)
Sabbatu, pà a 37esima ghjurnata llu campiunatu di siconda divisioni, l’AC Aiacciu ricivia u parigi FC.
Era l’ultima macciu lla staghjoni in Timizzolu.
Dopu à un beddu attaccu di scontru, l’aiaccini si piddaiani un marcu di Cheick Timitè, un ghjucadori furmatu chivi.
Amuffati, l’aiaccini ani piddatu a suprana à nantu à u 4u lla classifica, sempri in lutta par cuddà in prima divisioni.
Dopu à a sclusioni d’un parigini, è un pocu innanzi à u posu, Bevic Moussiti-Oko rimittia i soi à marcu pattu.
È fà è fà, a partita si hè compia cù issu marcu di 1 à 1.
L’ACA hè 11esimu, à un puntu di Nancy (9esimu), è à 2 di Valenciennes (8esimu).
Par casu ch’iddu vinci contru à Chateauroux, chì hè in coda llu campiunatu, pà l’ultima ghjurnata, l’AC Aiacciu tuccaria u so ughjittivu di finiscia in a prima mità lla classifica finali.