Football (Ligue 2) - L’AC Aiacciu et l’AJ Auxerre se neutralisent (0-0)
Vennari, pà u campiunatu di siconda divisioni, l’AC Aiacciu ricivia à Auxerre.
À tempu attaccatu u scontru, l’aiaccini ani chjusu à Auxerre in a so parti llu tarrenu, buschendu si parichji uccasioni cù El Idrissy, Avinel o Bayala. Ma Donovan Léon, u guardianu d’Auxerre, hè riisciutu à salvà a so squadra.
Dopu ripresu u scontru, è passati 58 minuti, l’arbitru si hè sminticatu di friscià un calciu di riparu pà l’Ursi. Tocca a 75esima minuta, Hein, solu davanti à Sollacaro, ùn a l’hà fatta à marcà pà Auxerre. A squadra francesa hà finitu a partita à deci, chì cù dui carti giaddi, Lloris hè statu sclusu.
È fà è fà, u scontru si hè finitu à 0 à 0, cù un marcu pattu chì pò metta a stizza à l’aiaccini.
Steti à senta à Olivier Pantaloni.
