Football (Ligue 2) - L'AC Aiacciu a célébré sa remontée en Ligue 1, la quatrième de son histoire et peut-être aussi la plus belle
Hè statu l’evenimentu lla duminicata : l’AC Aiacciu si ni volta in prima divisioni, dopu a so vittoria di sabbatu à sera contru à Tulusa, u campionu di francia.
Dopu chì Riad Nouri achi marcatu u calciu di riparu uttinutu da Gaëtan Courtet, l’aiaccini ani sappiutu tena u so risultatu contru à una squadra di Tulusa chì ùn hà lintatu nudda, ma chì ùn hà tantu furzatu quantunca.
L’ambienti era di quiddi è, lintati i trè colpa di frisciu finali, 8 500 spittatori sò falati à nantu à u tarrenu, gudindu si l’alligria di sparta issu mumentu cù i ghjucadori, suttu à i lumi è sciuppitati d’un focu d’artifiziu.
Ottu anni dopu à a so falata, l’AC Aiacciu ritrova dunqua a so piazza in prima divisioni. Olivier Pantaloni, issa squadra, l’hà fatta cuddà trè volti : una volta da addistradori aghnjuntu (in u 2002) è dui volti da addistradori principali.
Steti lu à senta.
Alain Orsoni era prisenti à u stadiu. U prisidenti di a holding ACA si gudia ancu iddu issi mumenti di piaceri.
Steti lu à senta.
U prisidenti Christian Leca era beddu cuntenti ancu iddu : avia prumissu di fà cuddà a squadra in trè anni, è ci hè ghjuntu.
Steti à senta u prisidenti di l’AC Aiacciu.
À nantu à u tarrenu, a gioia era di quiddi. Un ghjucadori, spicialmenti, hà priziatu issu successu : François-Joseph Sollacaro hè licinziatu à l’ACA da quand’iddu hà sei anni, hè statu furmatu chivi, è hà impastatu ancu iddu a so parti d’issa staghjoni vitturiosa.
Steti lu à senta.
In a cità d’Aiacciu, si sà ciò ch’idda vali issa cuddata : l’effetti ecunomichi ci ani da essa à veru, è ancu un certu binifiziu par ciò chì tocca à l’imagina.
Stéphane Vanucci, aghjuntu à u merri in carica di i sport, si rallegra d’issu successu.
Steti lu à senta.
