Le Direct

Football (Ligue 2) - Héroïque, l'ACA retrouve le podium en s'imposant à Sochaux (0-1)

Photo Paule Santoni AC Ajaccio

Sabbatu dopu meziornu, l’AC Aiacciu si n’hè mossu à ghjucà contru à Sochaux, terzu lla classifica, ch’ùn hà persu chì sò trè mesa.

Parichji titularii ùn c’erani : Courtet, Moussiti-Oko, Gonzalez, Leroy.
Sollacaro vardaia a cabbia, mentri chì Krasso è El Idrissy s’incaricaiani di l’attaccu.

In a prima parti llu scontru, i dui squadri ghjucaiani à un liveddu paru, a più bedda uccasioni issendu quidda di Krasso pà l’aiaccini, chì mittia a biscica à nantu à un palu.

Dopu à u posu, El Idrissy mittia un marcu pà i Russi è Bianchi.

Deci minuti innanzi à a fini llu scontru, Yanis Cimignani si buscaia una carta russa, parvia di un gestu fattu à smarru, ma cunsidaratu piriculosu.

Ma ancu puri ghjuchendu à 10, l’aiaccini tiniani issu scartu d’un marcu chì li daghjia issa bedda vittoria.
L’AC Aiacciu si ripiazza dunqua in a cursa pà a cuddata.