Football (Ligue 2) - Florian Chabrolle (OM) signe deux ans et demi à l'AC Aiacciu
Photo AC Aiacciu
Marti, hè ghjuntu un altru ghjucadori à l’AC Aiacciu. Florian Chabrolle, mezu tarrenu di 22 anni ghjuntu da l’OM, hà signatu un cuntrattu di dui anni è mezu cù i russi è bianchi.
Issu ghjucadori avaria un beddu putinziali, ch’idd’ùn hà pussutu fà fruttà in prima divisioni. Hà ghjucatu quattr’anni cù a squadra di a riserva fuceana (73 scontri), po’ si hè affaccatu in a squadra prima diretta da Rudi Garcia, po’ da André Villas-Boas.
Ùn hà ghjucatu chè una volta sola à issu liveddu chivi, ma à senta ni à Johan Cavalli, u dirittori spurtivu aiaccinu, t’hà una bedda qualità di passa è una bedda vitezza. Florian Chabrolle ghjunghji in rinforzu d’un sittori uffinsivu chì hè in difficultà dipoi u principiu lla staghjoni.
Sur le même sujet
