Le Direct

Football (Ligue 2) - Fin de série pour le SC Bastia qui s'incline à Caen (3-1)

Ugni infilarata di risultata t’hà una fini. Cusì n’hè stata pà u SC Bastia, chì hà persu 3 à 1 in Caen, pà u contu lla 22esima ghjurnata llu campiunatu di siconda divisioni.

Pari grevu cusì u marcu, ma in a prima parti llu scontru, pudiani avè marcatu i primi i bastiacci, ma l’hè mancata a pricisioni davanti à a cabbia di i lucali.

Dopu à u posu, Caen, chì a si hà fatta in contr’attaccu, hà fattu valè putenza è forza.
Tocca l’ora di ghjocu, Placide ùn a li facia a parà u tiru di Saletros.
Deci minuti dopu, Kaïboue facia cascà à Kyeremeh in l’arghja, dendu un calciu di riparu ch’iddu mittia Mendy..
Passati 82 minuti, Mendy mittia di capu u so sicondu marcu dopu à un calciu di pinalità.
Baï hà salvatu l’onori pà i bastiacci, cù un marcu dopu à 88 minuti di ghjocu.

Cù issa disfatta, Bastia rifala à a quinta piazza, à cinqui punti di u sicondu.
Si spera ch’iddi ritrovini, i bastiacci, a strada lla vittoria, chì ani da ghjucà in casa i dui scontri à vena, contru à Quevilly-Rouen è contru à Guigamp.