Football (Ligue 2) - Défaite de l'AC Aiacciu face à Auxerre (2-3)
(A ridazzioni d'Alta Frequenza) - Ùn a li faci più, l’AC Aiacciu, à vincia in casa soia. Pirdindu 3 à 2 vennari contru à Auxerre, s’hà pescu una siconda disfatta di fila in Timizzolu.
A partita hà cumenciu à tutti frumbuli, cù un marcu di Sakhi pà Auxerre dopu à 4 minuti di ghjocu.
Cinqui minuti dopu, El Idrissy mittia l’aiaccini à marcu pattu.
In una partita senza capu nè coda, Le Bihan marcaia dinò pà i visitadori, pò Coeff, marchendu contru à i soi, rimittia l’aiaccini in u ghjocu. Infini, Sakhi marcaia una siconda volta, dendu a vittoria à Auxerre.
Malgradu issa disfatta, l’AC Aiacciu si ferma terzu lla classifica lla siconda divisioni.