Le Direct

Football (Ligue 2) - ACA-Le Havre ce vendredi soir à François-Coty

(A Ridazzioni d'Alta Frequenza) - Pà l’undicesima ghjurnata lla Liga 2, l’AC Aiacciu ricevi à u Havre, vennari in Timizzolu. Un macciu spiciali, pà l’omini d’Olivier Pantaloni, chì u ricordu di i scontri di sbarramentu è di « l’evenimenti » d’annu hè beddu prisenti in li menti aiaccini. Ci vurrà à tena u so capu à locu, da ùn lacà si intrappulà da una squadra di u Havre chì li piaci à ghjucà, è chì hè oghji sittesima lla classifica. Da vincia issu scontru, ci vurrà à avè fiatu è anima, rispittà i cunsigni tattichi, ma supr’à tuttu sapè accenda di middi steddi u ghjocu corsu, ciò chì, ad avali, ùn si hè ancu vistu. U scontru principiarà à u stadiu François Coty à ott’ori di sera.

Stemu à senta à Olivier Pantaloni