Football (Ligue 2) - Abdoulaye Keita (Olympiakos) prêté à l’AC Aiacciu
L’AC Aiacciu hà fattu sapè ch’iddu ghjunghjaria da a squadra greca di l’Olympiakos u mezu tarrenu Abdoulaye Keita, in imprestu.
Quissu hà dighjà ghjucatu cù l’ACA mentri a staghjoni 2017-18, ed era dighjà chivi in imprestu a staghjoni passata, ancu s’idd’ùn hà pussutu ghjucà ch’era fertu.
Abdoulaye Keita hà fattu tutti i so asamini midicali issa sittimana, è hà pussutu fà u so addistramentu cù u gruppu. Eccu un beddu riforzu pà Olivier Pantaloni, chì accresci cusì u so effettivu.
Hè da nutà dinò chì u ghjucadori cureanu Jung Bin Park hè statu missu à u provu, in un addistramentu cù i prufiziunali.
Sur le même sujet
