Le Direct

Football (Ligue 1) - Youssouf Koné s'engage avec l'AC Ajaccio

A. Martin/L'Équipe

Hè ghjuntu un ghjucadori in più à l’AC Aiacciu, issu marti matina. Youssouf Koné, ghjucadori latirali à manca, hè statu impristatu da Liò.
D’età 27 anni, u ghjucadori hà attaccatu a so carriera in Auropa, incù Lille : ghjuntu culandi in u 2013, ci hà ghjucatu sinu à u 2017, fendu 31 scontri.

Po’ hè statu impristatu à Reims, innanzi d’ingagià si cù Liò, chì l’avia pagatu 9 miliona d’auri. Po’ Youssouf Koné hè statu impristatu à Elche, una squadra di a Liga Spagnola.

A staghjoni passata, in imprestu sempri, hà ghjucatu 22 scontri in prima divisioni cù Troyes. Cuntendu li tutti, sò 67 i scontri ch’iddu hà fattu in prima divisioni.
Internaziunali malianu, hà ghjucatu 15 volti cù a so silizzioni, mittindu un marcu.

Hè una bedda presa pà l’AC Aiacciu, chì circaia un ghjucadori di quissi.

Dui ghjorni innanzi à a chjuditura di u marcatu, s’aspetta avali un altru attaccanti in Timizzolu.