Football (Ligue 1) - Victoire à l'arraché 3-2 du SC Bastia face à Troyes
(A redazzioni d'Alta Frequenza) - Torna una volta, u publicu di Furiani avarà suffertu, ma stavolta ci hè stata a vittoria pà u Sporting Club di Bastia, 3-2. Dopu ad avè bè principiatu contr'à ghjucadori di Troyes pocu spirati, u Sporting passava davanti à a 17a minuta cù un auto goal di Rincon nant'à un centru di Yatabaré. Ottu minuti dopu, nant'à un corner mal neguziatu è un ballò cappiatu da Novaes, Marcos egualizava. Ma à a 36a, ben sirvutu da Khazri, Modeste ridava u vantaghju à i bastiacci. Trè minuti dopu à a pausa, Troyes ci la facia torna ad egualizà nant'à un penalty di Marcos, cunsecutivu à una falta pocu evidenti di Choplin. À partasi da què, i bastiacci sò cascati inde l'imprecisioni, ancu di più dopu à a sclusioni sivera di N'Sakala à a 51a, eppo di pettu à u penalty mancatu nant'à una manu imaghjinaria di Thiago Xavier spulsatu anch'ellu à a 67a. È mentri ch'ellu si crida chì l'affari duvia compia cusì, Maoulida rigalava i trè punti à u Sporting à l'87a, oramai 12u cù deci punti.
Ecoutez l’entraîneur bastiais, Frédéric Hantz.
