Football (Ligue 1) - Ryad Boudebouz va s'engager avec le SC Bastia
(A redazzioni d'Alta Frequenza) - Hè sempri a fin di ssu marcatu di i trasferimenti chì dà u ritimu à l'istati di ballò. È à u Sporting, l'affari movini, parchì aldilà di l'imprestitu di Mathieu Sans à u GFCA, dui ghjucadori duvariani ghjunghja. A prima hè, fora di un cuncorsu di circustanzi scemu, torna un bellu colpu pà u SCB chì s'hà da pighjà u mezu di tarrenu di Sochaux, Ryad Boudebouz. L'algerianu, chì hè un numaru 10, era in cunflittu cù u club chì l'hà furmatu è si ni vulia andà u più prestu pussibuli. Ssu trasferimentu duvaria essa superiori à un millioni d'auri, un bunissimu affari pà u Sporting chì si busca un ghjucadori cù una tennica di trinca, capaci di fà a sfarenza, è chì era sempri vulsutu pocu fà da grandi clubs aurupei. Duvaria essa accumpagnatu da un attaccanti, è quì dinò, fora di una surpresa, s'è ci duvia essa un attaccanti, saria o u marsighjesi Jordan Ayew, o u ghjucadori di Porto Kléber, una ghjunta chì si fari cù un imprestitu pà l'unu o pà l'altru.
Sur le même sujet
