Le Direct

Football (Ligue 1) - Reprise sur fond de course au maintien pour le SC Bastia

(A redazzioni d'Alta Frequenza) - Dopu à ottu ghjorni di vacanzi, i ghjucadori di u SC Bastia ani ripresu l’intrenamentu luni à l’IGESA nanzi à dui ghjorni di staziu in Purtivechju. Ani pussutu fà cunniscenza cù u novu aghjuntu di Ghislain Printant, François Ciccolini. Com’è pà ogni ripresa pà ssi tempi d’inguernu, mancava calchì ghjucadori, scusati o micca, com’è Diakité, Romaric, Tallo, Pino o Rodriguez par asempiu, mentri chì à tempu, ghjucadori com’è Kamano, chì ani da parta in furia pà pudè raghjunghja i so paesi rispittivi pà a Cuppa d’Africa di i Nazioni ani ripresu com’è privistu cù a so squadra. U Sporting hà da avè un calendariu assai difficiuli cù sabbatu dighjà a ghjunta di Lille in 32imi di finali di a Cuppa di Francia, eppo quilla a sittimana chì veni di u Parighji Saint Germain in campiunatu, è infini u marti u 13 di ghjinnaghju a ghjunta di Rennes in Cuppa di a Liga.

Ritornu annant’à ssa ripresa cù Ghislain Printant, l’intrenori di u Sporting.