Le Direct

Football (Ligue 1) - Mercato : Le SC Bastia toujours dans l'expectative

(A redazzioni d'Alta Frequenza) - U Sporting Club di Bastia hè in traccia di pruvà un ghjovanu difensori cintrali, Aaron Billy Appindangoye. Quissu quì, à 21 anni, hè un internaziunali gabunesi , chì ùn hai mai ghjucatu fora di u so paesi, postu ch’ellu ghjoca ind’u club u più impurtanti d’ind’è ellu. In ssu mentri, u Sporting voli sempri cuncluda cartulari à u nivellu uffensivu. S’è a pussibilità Jirès Kembo-Ekoko pari essa di più in più luntana, un’antra hè studiata da u club, cù presi di cuntattu. U ghjucadori si chjama Kléber, un attaccanti internaziunali bresilianu di 23 anni chì u FC Porto voli impristà pà rilancià lu, u Sporting essendu unu di i clubs ind’a mira di u club purtughesi. Dopu à una staghjoni assai bona in u 2011-2012 cù novi reti in vinticinqui partiti, quissu quì ùn hà micca pussutu cunfirmà, ch’ella sia in Porto o ind’u club bresilianu di Palmeiras duva ellu era statu impristatu pà a fin di a staghjoni scorsa.