Le Direct

Football (Ligue 1) - Lourde défaite de l'AC Ajaccio face au Stade Rennais (0-5)

Duminica in dopu meziornu, l’AC Aiacciu hà persu 5 à 0 in casa soia contru à u Stade Rennais. Ùn sò bastati i ghjovani di u centru di furmazioni, è ùn ci hè statu manera di fà calcosa pà l’omini d’Olivier Pantaloni.

Hè bastatu un quartu d’ora à Rennes par marcà via Santamaria, chì hà ripresu un calciu d’angulu di Bourigeau.

Ghjunta a meza ora, Gouiri rimittia in a cabbia aiaccina un centru di Toko Ekambi.
Po’, in cinqui minuti, s’affundaia in tuttu l’ACA, incascendu dui altri marchi di Dokou è Gouiri.

À u posu, u marcu era dunqua di 4 à 0.

Ghjunta a siconda parti llu scontru, Alphonse era sclusu parvia d’un gattivu gestu à nantu à Doku.

Cù un ghjucadori in menu, l’ACA incasciaia un quintu marcu, u terzu d’Amine Gouiri.

Pudaria ancu cuntinuvà u via cruci di i ghjucadori è i sustinidori aiaccini, masimu chì i prossimi scontri si farani contru à Lens è Marseglia, dui squadri chì a si luttani pà a siconda piazza lla classifica.