Le Direct

Football (Ligue 1) - Le SC Bastia doit capitaliser face au FC Metz

(A redazzioni d'Alta Frequenza) - Pà a 25ima ghjurnata di Liga 1, u SC Bastia, 16imu, ricevi u FC Metz, ultimu di u campiunatu. È c'hè calcosa chì hè sicura, hè chì dopu à u successu magnificu di marcuri in Monacu in Cuppa di a Liga, c'hè sempri una gioia tamanta ind'u club è inghjiru à ellu. A missioni di l'intrenori di u Sporting, Ghislain Printant, hè stata dunqua d'appruntà bè in dui picculi ghjorni i so ghjucadori da fà chì malgradu a fatiga, quissi quì rispundessini prisenti ind'una partita assai impurtanti pà u mantenimentu, parchì u Sporting pò metta un cuncurrenti direttu à sei punti in casu di vittoria è annigà torna appena di più una squadra in situazioni mintali gattiva. Pà ghjucà cù u sintimu di misfidassi quantunqua di u FC Metz, Ghislain Printant pudarà cuntà annant'à i ritorni d'Ayité, chì era feritu, è di Kamano, di ritornu di a Cuppa d'Africa di i Nazioni, chì pighjani a piazza di Cissé è di Koné ind'u gruppu di diciottu ghjucadori ritinuti.

Steti à senta à Ghislain Printant, l'intrenori di u Sporting.