Football (Ligue 1) - L'ACA dans la tempête face au PSG (5-0) et dans l'ascenseur pour la Ligue 2
Sabbatu, l’AC Aiacciu si n’hè mossu à u « Parc des Princes », à ghjucà contru à u PSG. Ben’intesa chì contru à u capifila lla prima divisioni francesa, ùn era po’ favurita a squadra aiaccina.
Passati 22 minuti di ghjocu, Fabien Ruiz sciaccaia a biscica in a cabbia di François-Joseph Sollacaro.
Deci minuti dopu, Hakimi mittia u sicondu marcu pariginu. Eppuri, Mbappé avia cuntrullatu u ballonu di bracciu.
Ghjuntu u posu, era dunqua di dui à zeru u marcu.
À pena ripresu u scontru, Mbappè mittia u terzu, parvia d’un’imbrugliacciata davanti à a cabbia di Sollacaro.
À a 54esima minuta, Mbappé ripiddaia à volu un ballonu datu da Sergio Ramos, ch’iddu sviaia Avinel : quattru à zeru par parigi.
L’ultimu marcu vinia cù un travaddu di Marquinhos, sviatu in a so cabbia da Youssouf.
Tandu, Olivier Pantaloni feci entra i so ghjovani ghjucadori. Dopu essa si presi, l’aiaccinu Mangani è u pariginu Marquinhos erani sclusi.
Tocchi 85 minuti di ghjocu, un tiru di Soumano sfrisgiaia a cabbia parigina di Donnarumma, manchendu di pocu di salvà l’onori aiaccinu.
Cù issu marcu finali di 5 à 0, u PSG si busca guasgi u so titulu di campionu di francia.
L’ACA, par contu soi, hè oramai ufficialmenti in siconda divisioni.
