Football (Ligue 1) - L'AC Aiacciu une nouvelle fois défait à domicile (0-1)
Una duminica cumplicata, una volta di più, pà l’AC Aiacciu, chì hà persu 1 à 0 in casa, contru à Montpellier.
U macciu hè statu chjusu, è l’aiaccini ani avutu monda scartu ghjunta l’ultima passa, ùn pudendu tantu truvà à Djitté o à El Idrissy, chì facia u so 100esimu scontru in Biancu è Russu.
Eppuri, in a prima parti llu scontru, erani prisenti l’aiaccini, è ani ancu datu calchì pinseru à a squadra di Der Zakarian. Ma ùn a l’ani fatta à purtà u piriculu davanti à a cabbia di Montpellier.
Dopu à u posu, Montpellier si facia più piriculosu, è Aiacciu paria perda un pocu di forza in u so invistimentu.
Passata un’ora di ghjocu, Leroy salvaia i soi ma, tocca a 68esima minuta, Savanier, via un calciu d’angulu guasgi direttu, truvaia à Wahi chì marcaia.
Cù issa disfatta, l’AC Aiacciu perdi dinò una uccasioni d’escia da a parti piriculosa lla classifica.
U prossimu scontru, in casa sempri, si farà duminica ch’entri contru à Monacu.
Steti à senta à Olivier Pantaloni.
