Football (Ligue 1) - DNCG : verdict positif pour le Sporting
(A redazzioni d'Alta Frequenza) - A DNCG, chì ghjudicheghja i squadri di ballò di Lega 1 è Lega 2, hà resu a so dicisioni dopu ad avè asaminatu i conti di u Sporting Club di Bastia pà a staghjoni chì s'hè compia è quilla à vena. È vistu chì i sciffri avanzati da a squadra erini boni, a dicisioni hè bè pusitiva. S'è u Sporting t'avarà u settori di i paghi di ghjucadori inquadratu, com'è privista, pudarà pà a prima volta dipoi un pezzu spenda 300 000 auri d'indennità di trasferimenti. Issa somma andarà forsa à l'acquistu di ghjucadori ghjovani d'avvena in Francia è in fora. Infini, a squadra ritrova u so statutu prufessiunali di modu difinitivu, dopu ad avè avutu un statutu pruvisoriu di pettu à a falata in Naziunali.
Sur le même sujet
