Football (Coupe de France) - Tirage au sort du 7ème tour pour le CA Bastia, L'Ile-Rousse et Biguglia
(A redazzioni d'Alta Frequenza) - A scelta à a sorti di u 7imu ghjiru di a Cuppa di Francia di ballò hè stata fatta arimani (marcuri) in Parighji. Hè à ssu mumentu di a cumpetizioni ch'elli entrini i clubs di Lega 2, com'è u CA Bastia. I cabisti si spiazzarani ghjustu appuntu in Brittagna pà ghjucà contr'à Plouvorn, club di Divisioni d'Unori. I dui vincidori corsi di u 6imu ghjiru, u FB L'Isula, furmazioni di CFA 2, è l'AJ Biguglia, squadra di DH, ani cunnisciutu furtuni diversi. In fatti, i balanini andarani ind'u Forez pà un scontru contr'à un club di Prumuzioni d'Unori, l'US Metare Saint Etienne, una bona scelta à dì la franca, mentri chì i ghjucadori di u l'AJB sò stati appena menu furtunati, caschendu in casa soia contr'à l'AS Cannes, chì ghjoca in CFA, anzianu club di prestigiu. Un 7imu ghjiru chì si ghjucarà u 16 è u 17 di nuvembri.
Sur le même sujet
