Le Direct

Football (coupe de France) - Quatre clubs corses concernés par le tirage de la coupe de France lundi à 20h45

(A redazzioni d'Alta Frequenza) - Quattru clubs corsi sarani cuncirnati da a scelta à a sorti di a cuppa di Francia, urganizata dumani (luni) duranti l'emissioni spiciali "Soir de Coupe", in direttu nant'à Eurosport à partasi d'8 ori è 45. L'AC Aiacciu, u SC Bastia, L'Isula è u CA Bastia sò tutti stati qualificati ssa dumenicata, una parfurmenza storica pà a Corsica, chì ùn hè mai stata raprisintata cusì à ssu nivellu. A scelta à a sorti sarà rializata da u campionu olimpicu 2008 di u 100 metri di nutera libara, Alain Bernard, l'anzianu internaziunali di Toulouse di rugby Xavier Garbajosa, l'anziana ghjucadori di u Parighji SG Candice Prevost, è l'internaziunali di u FCF Juvisy Gaëtane Thiney. Cù quattru clubs corsi nant'à i 32 squadri sempri in corsa, pudariami cunnoscia unu o ancu dui derbys corsi pà u ghjiru chì veni.