Football (coupe de France) - Le CA Bastia se qualifie pour les 16e de finale de la coupe de France
(A redazzioni d'Alta Frequenza) - U CA Bastia hè u primu club corsu qualificatu pà i 16i di finali di a cuppa di Francia di ballò. I ghjucadori di Stéphane Rossi ani vintu in La Roche sur Yon ssu dopu meziornu (sabbatu), un club di CFA2, 3-0. S'è u risultatu pari largu, i cabisti sò stati ubligati ad aspittà i prulungazioni pà batta una squadra lucali chì ùn hà cappiatu nulla. I rialisazioni sò quilli di Philippon è di Pastorelli chì hà scrittu un duppiettu. Dumani, u SCB, l'ACA è L'Isula pruvarani à passà dinò elli. A Corsica, fin'è oghji, ùn era mai stata raprisintata à tal puntu da quattru clubs in 32i di finali di ssa cuppa. Veda tutti ssi squadri qualificà si saria ancu di più strasurdinariu pà u ballò corsu.
