Le Direct

Football (Coupe de France) - La réaction du président de la Ligue corse après l'exploit de L'Ile-Rousse

(A redazzioni d'Alta Frequenza) - Pà i 16i di finali di a Cuppa di Francia, L'Isula, club di CFA2  u più chjucu di a cumpetizioni, hà rializatu a surpresa incridibuli d'eliminà Bordeaux ssu marcuri à sera in Mezavia, quattru penalties à trè. Balanini eroichi, chì si sò battuti più cà bè contr'à una furmazioni di Lega 1 duranti più di 120 minuti, cù un risultatu à paru 0-0 dopu à i prulungazioni. Duranti a seenza di i penalties, da nutà dui arresti dicisivi di u guardianu di u FBIR, Menozzi, chì hà ghjucatu una partizioni senza nisun nota falsa. Ùn cappiendu mai à u nivellu di i sforzi fisichi, i ghjucadori di Christian Graziani si sò trapassati, rigalendu à i più di 3 000 parsoni prisenti in Ange Casanova una billissima qualificazioni pà l'ottesimi di finali, in cumpagnia di u CA Bastia. Una vittoria chì hà fattu piacè à tuttu u mondu di u ballò corsu, è dunqua à u presidenti di a Lega Corsa di Ballò, Jean René Moracchini; par ellu, ssu successu t'hà una simbolica forti pà l'isula sana.

Steti à senta à Jean-René Moracchini.