Football (Coupe de France) - La logique respectée sur tous les terrains pour le 5e tour
(A redazzioni d'Alta Frequenza) - Si ghjucava arimani (dumenica) u 5u ghjiru di a Cuppa di Francia in parechji rughjoni, com'è in Corsica duva c'erani quattru partiti. Ùn ci sarà stata nisun surpresa, postu chì a logica hè stata rispittata nant'à tutti i tarreni. U GFC Aiacciu, club di Naziunali, hà battutu Furiani, squadra di DH, trè à unu, duranti un scontru assai ingaghjatu. L'Isula (CFA 2) hà fattu un risultatu à paru contr'à Borgu (DH) prima di vincia infini à i penaltys quattru à trè. Corti (DH) hà battutu a Costa Verde (PHA) 2-1. Infini Calvi, chì hè falatu di modu amministrativu in PHA, hè statu eliminatu da l'AJ Biguglia (DH) nant'à u so tarrenu 2-0. U 6u ghjiru hè privistu da quì à calchì ghjornu, è prumetti torna uppusizioni putenti.
